०६ पौष , भरतपुर – रोगका कारण चितवनमा यस वर्ष सुन्तलाको उत्पादन घटेको छ । बोटको टुप्पो सुक्दै गएर मर्ने यो रोगका कारण जिल्लामा यो वर्ष झण्डै २० प्रतिशतले सुन्तला उत्पादन घटेको हो ।
बोटको टुप्पो सुकेर मर्दै जाने यो रोग लागिसकेपछि नियन्त्रण गर्न गाह्रो हुने जिल्ला कृषि विकास कार्यालय चितवनका बागवानी विकास अधिकृत धनबहादुर थापाले बताउनुभयो । यसलाई कृषि प्राविधिकहरू सुन्तलामा लाग्ने ‘क्यान्सर’ रोग भनेर पनि टिप्पणी गर्छन् ।
यो रोगकै कारण अहिले चितवन र यस आसपासका क्षेत्रमै सुन्तला उत्पादनमा प्रभाव परिरहेको छ । बोट नै मर्ने समस्यासँगै अहिले किसानहरुमा सुन्तलाको बोटमा लाग्ने पतेरा तथा कीराफट्याङ्ग्राको समस्या पनि छ । यसले फल लाग्ने बेलामै पनि झार्ने समस्या पारिरहेको छ ।
यो खबर आजको गोरखापत्रमा छ ।
