हाल सिनेजगतका चल्तीका नायीकाहरु हुन् स्वस्तिमा खड्का र प्रियंका कार्की तर यीनै समकक्षी नायीकाहरु बन्दै गरेको चलचित्र ‘नाई नभन्नु ल’ को पाँचौ श्रृङ्खलामा भने आमा छोरी बन्ने भएका छन् ।
भदौ ८ गते प्रदर्शन मिति तोकिएको चलचित्रमा निर्देशक विकासराज आचार्यले नायिका प्रियंका कार्कीलाई निरन्तरता दिएका छन् साथमा नायिका स्वस्तिमा खड्कालाई पनि भित्रयाईएको छ । स्रोतअनुसार बाल कलाकार अनुभव रेग्मी चलचित्रको मुख्य भूमिकामा रहने र नायिका प्रियंका कार्की नायिका स्वस्तिमा खड्काको आमाको भूमिकामा देखिदैछिन् ।
प्रेम कथामा आधारीत रहने चलचित्रमा बसन्त सापकोटाको संगीत, पुरुषोत्तम प्रधानको छायांकन, कविराज गहतराजको कोरियोग्राफी, अर्जुन जीसीको सम्पादन रहनेछ ।
