काठमाडौं। नारायणगोपाल र गोपाल योञ्जन सँगै गीत गाएकी कमला श्रेष्ठ ६९ वर्षको उमेरमा निधन भएको छ । श्रेष्ठले २०२४ सालमा यादव खरेलको गीत गाएर रेडियो नेपालमा प्रथम भएकी थिईन ।
उनले त्यतिबेला स्वर्ण पदक जितेकी थिईन । नारायण गोपालको संगीतमा मुनामदनको ‘ईश्वर तैँले रचेर कसरी बिगारीस्’ मा सह–गायनमा साथ दिने कमलाले गोपाल योञ्जनको संगीतमा ‘म बाँच्ने उमेरहरु सारा हजुरलाई’, ‘कति टाढा खोलाको किनार’ पनि गाएकी थिईन ।
‘तारेभीरमा बाबियो लसरी, लाको माया छुट्ने कसरी’, ‘सल्लै हो जोवन कल्लैलाई हो’, जस्ता उनका गीत निकै चर्चित रहेका छन् ।
