नायक आकाश श्रेष्ठ र नायिका आँचल शर्मालाई जोडी बनाइएको ‘ब्ल्याक’ फिल्मको नयाँ गीत रिलिज गरिएको छ। आइतबार काठमाडौँमा एक कार्यक्रम बिच फिल्मको ‘पलपल हरपल’ बोलको रोमान्टिक गीत सार्वजनिक गरिएको हो ।
गीतमा आँचल र आकाश फिचर छन् ।महेश खड्काको सङ्गीत रहेको सार्वजनिक गीतमा सुगम पोखरेलको स्वर, डा.कविराज बान्तवाको शब्द र रामजी लामिछानेको कोरियोग्राफी रहेको छ ।
प्रदीप श्रेष्ठको निर्देशन र आश्मा पाण्डेको निर्माण रहेको चलचित्र ‘ब्ल्याक’को यसअघि एक गीत र पोस्टरहरु सार्वजनिक भइसकेका छन् ।
जेठ ११ लाई प्रदर्शन मिति तोकेर मैदानमा उत्रिएको फिल्म ‘ब्ल्याक’ले आइतबार दोस्रो गीत सार्वजनिक गरेको हो। महेश खड्काको संगीत रहेको गीतमा सुगम पोखरेलले आवाज दिएका छन्। गीतको कोरियोग्राफी रामजी लामिछानेले गरेका हुन् भने फिल्ममा रामशरण उप्रेतिको छायांकन रहेको छ। फिल्मलाई निर्देशन प्रदिप श्रेष्ठले निर्देशन गरेका हुन्। उनले फिल्ममा अँध्यारोबाट उज्यालोमा आउने जोडीको कथा समेटिएको बताए।
फिल्ममा आयुष रिजाल, सुन्दर श्रेष्ठ, धिरेन शाक्य, प्रिया रिजाल आदि कलाकारको पनि अभिनय रहेको छ। मौनता श्रेष्ठको लेखन रहेको फिल्मलाई आश्मा पाण्डे र चेतन पाण्डे मिलेर निर्माण गरेका हुन्।
){kind=link}