१९ असार , काठमाडौँ – आज दुई खेल सकिएसँगै रसिया विश्वकपको क्वार्टरफाइनल समिकरण पुरा हुन्छ । आजको पनि अन्तिम १६ को दुई खेलहरु हुँदैछन् । आजको पहिलो खेलमा स्वीडेनविरुद्ध स्विजरल्याण्ड तथा दोस्रो खेलमा कोलम्बियाविरुद्ध इंग्ल्याण्ड उत्रदैछन् ।
आज क्वार्टरफाइनलमा स्थान बनाउनको लागि स्वीडेन र स्विजरल्याण्ड बेलुकी पौने ८ बजे भिड्दैछन् । स्वीडेन समूह ‘एफ’ को विजेता हो भने स्विजरल्याण्ड समूह ‘ई’ को उपविजेता बन्दै अन्तिम १६ पुगेको हो
त्यस्तै आजको दोस्रो खेल दक्षिण अमेरिकी राष्ट्र कोलम्बिया र यूरोपियन राष्ट्र इंग्ल्याण्डबीच हुनेछ । खेल राति पौने १२ बजे सुरु हुनेछ । कोलम्बिया समूह ‘एच’ को विजेता तथा इंग्ल्याण्ड समूह ‘जी’ को उपविजेता हुँदै अन्तिम १६ मा पुगेको हो ।
