संवाददाता
श्रावन ३१, पोखरा । पोखरामा एक सैनिकले आफ्नै सहकर्मीलाइ गोली हानी हत्या गरेका छन् ।नेपाली सेनाको पोखरास्थित सिद्धीबक्स गणको रत्न मन्दिर पोस्टमा कार्यरत सैनिक प्युठ वसन्त लोहारले आफ्नै सहकर्मी सैनिक प्युठ गणेश सिंह विष्टको गोली प्रहार गरी हत्या गरेका छन् ।
दुवैजना रातिदेखि सँगै ड्युटीमा बसेका थिए । जिल्ला प्रहरी कार्यालय कास्कीले मंगलबार बिहान ४ः३० बजे सैनिक प्युठ लोहारले गोली प्रहार गरेर आफ्नै सहकर्मीको हत्या गरेको पुष्टि गरे पनि हत्याको कारण अहिलेसम्म नखुलेको जनाएको छन् ।
प्रहरीले भने यसमाथि थप अनुसन्धान भइरहेको जनाएको छ ।
