टंक सुनार
रुपन्देही,भदौ ८ । रुपन्देहीको देवदह, भलुहीमा सडक दुर्घटनामा हुदा दुई जनाको घटना स्थलमै मृत्यु भएको छ भने दुई जना गाइते भएका छन । विपरीत दिसाबाट गुडिरहेका लु ३३ प ७०८३ र लु २३ प १०२८ नम्बरको मोटरसाइकल एक आपसमा ठक्कर खाँदा उक्त दुर्घटना भएको हो । मृत्यु हुनेमा रुपन्देहीको सैनामैना नगरपालिका पर्रोहाका खेमराज थापा रहेको र अर्का एकजनाको पहिचान खुल्न नसकेको देवदह प्रहरीका प्रहरी निरीक्षक सुरज कार्कीले जानकारी दिनु भयो ।
घाइते हुनेमा नवलपरासीको सुनवल नगरपालिका खुनहवाका दिवाकर यादव र सुमन कुँवर रहेको प्रहरीले जनाएको छ । कुँवर मृतक थापाले चलाएको बाइकको पछाडि बसेका थिए । ठोक्किएका मोटरसाइकल नै क्षतविक्षत भएकाले तीब्र गतिका कारण दुर्घटना भएको हुनसक्ने प्रहरीको अनुमान रहेको छ । घाइते दुई जनाको देवदह मेडिकल कलेजमा उपचार भइरहेको छ ।
