टंक सुनार
रुपन्देही,भदौ ११ । रुपन्देहीको देवदहमा यात्रु वहाक बस पल्टदा १६ जना घाइते भएका छन । गएराति बुटवलबाट बर्दघाट तर्फ आउँदै गरेको लु १ ख ६५०६ नम्बर बस देवदह–१० भलुही अनियन्त्रित भई खोचमा खस्दा उक्त दुर्घटना भएको हो । घाइते मध्ये १२ जनाको देवदह मेडिकल कलेज भलुहीमा सामान्य अवस्थामा उपचार भइरहेको छ ।
गम्भीर अवस्थामा रहेका चार जना मध्ये नवलपरासीको सुनवल–२ की ४८ बर्षिय सुदु मगरलाई भैरहवा मेडिकल कलेज रानिगाउँ रीफर गरीएको छ । त्यस्तै गरी देवदह–१० का ४७ बर्षिय ज्ञान बहादुर नेपाली, सोही ठाउँ बस्ने २२ बर्षिय धन मायाँ नेपाली र दाङ घर भई बुटवल बस्दै आएका २६ बर्षिय गोपाल चौधरीको जेनस अस्पताल बुटवलमा उपचार भइरहेको इलाका प्रहरी कार्यालय बुटवलका प्रहरी हवल्दार प्रेम थापाले जानकारी दिनु भयो । छाडा चौपायालाई जोगाउन खोज्दा बस दुर्घटनामा परेको प्रहरीले बताएको छ । राजमार्ग आसपासमा छाडिएका छाडा चौपाएका कारण दुर्घटना वढ्दै गएको छ ।
