१४ भदौ , चितवन – आफ्नै आमाको कुटपिट गरी हत्या गरेको आरोपमा चितवन-भरतपुर महानगरपालिका–१५ मंगलपुर प्रहरीले एकजना युवकलाई गिरफ्तार गरेको छ। बुधबार बिहान ४५ वर्षीया सविता दराईको मृत्यु भएको थियो ।
उनका आफ्नै २० बर्षिय छोरा आशिष दरैले करिव विहान १० बजे बाँधेर कुटपिट गर्दा गम्भीर घाइते भई उपचारका लागि अस्पतालतर्फ ल्याउँदै गर्दा मृत्यु भएको थियो ।
प्रहरीका अनुसार हत्याको कारण खुलेको छैन। मादकपदार्थ सेवन गरेकी आमालाई सुधार्न भन्दै बाँधेर कुचो र हातले पिट्ने क्रममा उनी गम्भीर घाइते भएको हुनसक्ने प्रहरीले जनाएको छ ।
उनलाई अहिले समाएर हिरासतमा राखिएको चितवन जिल्ला प्रहरी कार्यालयका प्रमुख, प्रहरी उपरीक्षक (एसपी) दीपक थापाले जानकारी गराउनु भएको थियो ।
