३१ भदौ , काठमाडौँ – यस बर्षको दशैंका फूलपातीको दिन दुई चलचित्रको भिडन्त हुने पक्का भएको छ । असोज ११ गते बुधवारबाट सम्पूर्ण हलहरुमा एकसाथ दुई चलचित्र प्रदर्शन हुने भएको छ । दुवै चलचित्र अहिले निकै चर्चामा रहेको छ । ‘छक्का पन्जा २’ र ‘मंगलम’ ति दुर्इ चलचित्र हुन् । ठुला ब्यानरले तयार गरेको यी चलचित्रहरु निकै ठुलो बजेटमा बनेका दुई स्तरीय चलचित्रहरु हुन् ।
नेपाली चलचित्र क्षेत्रमा यी दुई चलचित्र जुध्ने कुराले अहिले निकै चर्चाको विषय बनाएको छ । यी दुई चलचित्रका निर्देशकहरुले भने केहि समय अगाडी एक अन्तर्वार्तामा दुवै चलचित्र जुधे पनि केहि फरक नपर्ने भन्दै भनेका थिए ।
त्यसले गर्दा पनि दुई चलचित्र बिचमा अहिले कसले बाजी मार्ने भन्ने कुराको कौतुहुल्तालाई बिजारोपण गरेको छ । चलचित्र ‘छक्का पन्जा २‘लाई दीपाश्री निरौलाले निर्देशन गरेका हुन् भने ‘मंगलम‘लाई नवल नेपालले निर्देशन गरेका हुन् ।
छक्का पन्जा २ मा दीपक राज गिरी, प्रियंका कार्की, जितु नेपाल, केदार घिमिरे, बुद्धि तामाङ्ग, वर्षा राउत, गौरव पाहारी, स्वरूप पुरुष ढकाल, स्वस्तिमा खड्का, लक्ष्मी गिरी, जयनन्द लामा, शिवहरी पौडेल, किरण केसी, राजाराम पौडेल लगायतको अभिनय रहेको छ भने मंगलममा शिल्पा पोखरेल, सम्राज्ञी राज्यलक्ष्मी शाह, पुष्पा खड्का, पृथ्वी राज प्रसाई, निर शाह, मिथिला शर्मा लगायतको अभिनय रहेको छ ।
उसै त खस्किएको नेपाली चलचित्रको व्यापारमा चलचित्र प्रदर्शन मिती जुध्नु उचित मानिदैन । त्यसमा पनि राम्रा ब्यानरका र राम्रा निर्देशक साथै प्रचार प्रसारमा बाजी मार्ने यी चलचित्र एक आपसमा जुध्दा कसलाई घाटा ?
त्यो त सायद यी दुई चलचित्रका टिमलाई थाहा नै छ । हाल चलचित्र छक्का पन्जा २ ले प्रचार प्रसारको थुप्रै तरिका अपनाएको छ भने मंगलम पनि त्यसमा कम छैन । छक्का पन्जा २ टिम अहिले नेपाल तुर अर्थात आफ्नो प्रचारलाई छुट्टै रुप दिनका लागी सबै अभिनित पात्रहरु सहित प्रोमोशनको लागि हिडेको छ जुन सशक्त भएर गइरहेको छ ।
