०७ असोज , कलैया – स्थानीय तह अन्तर्गत संघीय समाजवादी फोरम नेपालले स्वर्णपुर गाउँपालिकामा पाँच वडाध्यक्षसहित अध्यक्ष र उपाध्यक्षमा विजयी भएका छन् ।
समाजवादी फोरमका महेन्द्रप्रसाद यादव तीन हजार ६५ मत ल्याई विजयी भए भने उनका निकटतम प्रतिद्वन्द्वी नेपाली कांग्रेसका राकेश यादवले दुई हजार ६९० मत प्राप्त गरेको प्रमुख निर्वाचन अधिकृत गोखुलबहादुर निरौलाले जानकारी गराउनु भयो ।
त्यस्तै उपाध्यक्षमा फोरमकै बबिता यादव तीन हजार ४७५ मत प्राप्त गरी विजयी भइन् । उनका निकटतम प्रतिद्वन्द्वी कांग्रेसकी मदिफन खातुनले एक हजार ९८७ मत प्राप्त गरिन् ।
