२० असोज , बुटवल – डाँडाकेटरीबाट बुटवलका लागि छुटेको लु १ ख ७५१८ नम्बरको बस अर्घाखाँचीको मालारामी गाउँपालिका वडा नं. ३ खनदह सावडाँडामा दुर्घटना हुँदा दुई जनाको घटना स्थलमै मृत्यु भएको छ ।
मृतकमध्ये सावडाडाकै १० वर्षीय अभिनय आचार्य र गुल्मी नयागाउको ४६ वर्षीया सुन्तली बिक छन् । दुर्घटनामा गम्भीर घाइते सात जनालाई हेलिकोप्टरबाट काठमाडौं लगिएको छ भने १२ जनालाई बुटवल ल्याइएको छ । अन्य ४२ जना घाइतेको सन्धीखर्चस्थित जिल्ला अस्पतालमा उपचार भइरहेको छ ।
गाडी सडकबाट करिबसय मिटर तल खसेपछि बोटमा अडिएको थियो । गाडीका चालक र सह–चालक फरार छन् ।
