२५ असोज , काठमाडौँ – कात्तिक २ गतेबाट देशव्यापी प्रदर्शनमा आउन लागेको फिल्म ‘रुद्रप्रिया’को प्रमोशनमा व्यस्त नायिका रेखा थापा कार दुर्घटनामा परेकी छिन् । बुधबार दिउँसो करीब सवा १२ बजे चावाहिलमा माल बाहक ट्रकले ठक्कर दिँदा रेखाको कारको धेरै भागमा ठूलो क्षति पुगेको छ । तर, रेखालाई ट्रकको ठक्करबाट कुनै क्षति भएको छैन ।
रेखाले आफू सकुशल रहेको बताएकी छिन् । दुर्घटना पश्चात रेखा र ट्रक चालकलाई गौशला प्रहरी वृत्त लगिएको थियो । प्राप्त जानकारी अनुसार, टीभी फिल्मीमा अन्तर्वाता दिएर मित्र पार्कमा रहेको अम्बे अर्पाटमेन्ट फर्किँदै गर्दा उनको कारलाई ट्रकले ठक्कर दिएको हो । रेखा अाफैँले कार हाँकेकी थिइन् ।
स्रोत : फिल्मीखबर
