काठमाडौँ । त्रिभुवन अन्तर्राष्ट्रिय विमानस्थलमा दुर्घटनाग्रस्त यूएस बंगला विमानमा यात्रारत ४९ जना यात्रुको मृत्यु भएको छ । बंगलादेशबाट काठमाडौंका लागि उडेको युएस बंगला विमान पहिलोपटक नेपाल आएको होइन, यो काठमाडौंका लागि नियमित उडान भर्दै आएको विमान हो ।
सोहि विमानमा बंगलादेशबाट काठमाडौंका लागि उड्ने क्रममा एउटा जोडीले फेसबुकमा लेखेको पछिल्लो पोस्ट अहिले सामाजिक संजालमा भाइरल हुँदै गरेको छ ।
ढाकाबाट उड्नुअघि सामाजिक संजालमा पोस्ट गरेका स्टाटस सार्वजनिक भएका छन् ।
बंगलादेशी नागरिक राजु रहमानले ती यात्रु सकुशल रहुन् भन्ने कामनासहित ट्वीटरमा ती स्क्रिनसटहरु शेयर गरेका छन् ।
उनले शेयर गरेका स्क्रिनसटमा उल्लेख भएअनुसार ती युगल जोडीहरु कोही हनिमुन त कोही आफ्ना प्रियजनका साथ घुम्न आउँदै थिए ।
यो समाचार न्युज २४ नेपालबाट लिईएको हो ।
