सचिन पंगेनी/देवदह
आउदै गरेको हरितालिका तिज नजिकिदै गर्दा तिज गीतहरुले बजार तताउने क्रम पनि प्रतिस्पर्धा को दौड मा छन्। विभिन्न आफ्नै मौलिकता बोकेका गीतहरुले कतिपय बिर्सियका कुराहरु लाई पनि ताजा बनाइदिदै छन। महिलाहरुको बिशेष पर्व को रुपमा मनाउने चाड हरितालिका तिजमा समय सङ सङै गीतहरुपनी उस्तै खाले बजारमा आउने जाने क्रम जारी नै छ । कतिपय गितहरु र भिडियोहरु त परिवार सँगै बसेर हेर्न पनि असहज हुने खाले पनि छन। समयको माग अनुसार कथा र बिषय बस्तु मा आधारित गीत सङ्गीत लेख्नु राम्रो हो तर सभ्य र मन छुने खालको भयो भने आगमी पिडिहरुलाइ पनि मार्गदर्शन हुने थियो । पुरानो भाकालाई समेट्दै एउटा नारिको बेदनालाइ समग्र रुपमा चित्रण गर्दै कल्पना कुसुमले “रानी चरी” एल्बम बजारमा ल्याएकी छिन् ।
कुनैवेला उनी शिक्षकको रुपमा राम्रैसँग चिनीईन् । न्यु होराईजन तथा अक्सफोर्ड स्कुलमा पढाउँदा कल्पनाको परिचयको दायरा अलिकति सानै थियो । शिक्षक सँगै समाजसेवामापनी देखिईन् त्यतिवेला । तर, अहिले त्यो परिवर्तन भएको छ । आजभोली कल्पना कुसुम गायीका भएर मात्रै चिनीएकी छैनन्, राम्रो गायीका भएर परिचय दिदैछन् रंगिन दुनियाँमा । सुरुमा यो क्षेत्रमा आउँदा जस्तो पायो त्यस्तै गित गाउनेहरु कल्पनाको भिडमा मिसीनु परेन कल्पनालाई । अझ भनौं भाग्यमानी स्वरकी धनी कल्पना ।
तिज पर्वमा गाइने वास्तविक भाकालाई उनले गीतमा समाबेश गरेकी छन् । तिज पर्वमा नारीहरुले गाउँने यथार्थ भाकालाई उनको गितमा पाउन सकिन्छ । नारी बेदना नारीको याथार्थ भावलाई उनको गितले चित्रण गरेको छ । गीतकार बैकुण्ठ महतको लय र नारायण सापकोटाको शब्द रहेको गीतमा गायिका कुसुमको सुमधुर स्वर रहेको छ । गीतमा निर्देशन र अभिनय पबित्रा आचार्यको, छायांकन दिनेश वान्तवाले गर्नुभएको छ भने श्रृङ्गार सृजना कार्कीले गर्नुभएको छ।
कुसमले कला सँस्कृतिलाई जीवन्त राख्न निरन्तर तिज गित निकालेको बताइन् । तिज पर्वको मौलिकता संग जोडिएको गीत धेरै दर्शक श्रोताबाट माया र सुझाव पाउने उनले बताइन् । उनले हालै बजारमा ल्याएको गित पुष्पाञ्जली म्युजिक प्रालिले बजारमा ल्याएको छ ।
https://m.youtube.com/watch?v=brUGu_lGd6A
){kind=link}