काठमाडौं । प्रधानमन्त्री केपी ओलीले सोमबार बिहान लेखेको ट्वीटलाई लिएर माओवादी केन्द्रका नेताहरूले विभिन्न व्याख्या र आशंकाहरू गरेका छन् ।
प्रधानमन्त्री ओलीको ट्वीटर ह्याण्डलबाट हिंजो सोमबार बिहान ‘दुनो सोझ्याउन समीकरण फेरबदलमा मात्रै बानी परेकालाई यसप्रति अरुची हुन सक्छ’ भन्दै ट्वीट गरेका थिए । यो भनाइलाई माओवादीका नेताहरूले आफूहरूलाई लक्षित गरेर भनेको हो कि भनेर आशंका जनाएका हुन् ।
‘हामी विकास र समृद्धिको एजेण्डामा हिंडिरहेका छौं । आफ्नो दुनो सोझ्याउन समीकरण फेरबदलमा मात्रै बानी परेकालाई यसप्रति अरुची हुन सक्छ । लोकतन्त्रमा जनता बलिया हुन्छन् र त्यसको प्रतिबिम्ब सरकारका काममा देखापर्छ । किनकी सरकारले जनताबाटै कार्यादेश लिएको हुन्छ । सार्वभौमसत्ता जनतामा थियो र छ’, प्रधानमन्त्री ओलीले ट्वीटमा भनेका छन् ।
यो समाचार न्युज अफ नेपालबाट लिईएको हो ।
