काठमाडौं । ‘डी सिने अवार्ड’को लागि उत्कृष्ट ५ को मनोनयन सार्वजनिक भएको छ ।
फिल्म हेरेर ५ जुरीहरुले उत्कृष्ट ५ सार्वजनिक गरेका हुन् ।
२९ विधाका अवार्ड रहनुका साथै जुरी अवार्ड, क्रिटिक्स अवार्ड, इनकरेजमेन्ट अवार्ड, पब्लिक च्वाइस अवार्ड सहित छायाँछवि फिल्मकर्मी रजत सम्मान पुरुष र महिला, छायाँछवि फिल्म पत्रकारिता पुरस्कार, छायाँछवि लिजेन्ड्री सम्मान पनि कार्यक्रमका अवसरमा प्रदान गरिने जानकारी गराईएको छ ।
यो अवार्ड जेठ १० गते काठमाडौंको राष्ट्रिय सभा गृहमा आयोजना हुन लागेको हो । यस अवार्डको आठौ संस्करण पोखरा र नवौं संस्करण हेटौंडामा आयोजना गरिएको थियो ।
जुरीको रुपमा लेखक र निर्देशक मोहन निरौला, पत्रकार रनिर्देशक डब्बु क्षेत्री, निर्देशक राजेन्द्र उप्रेती, संगीतकार सन्तोष श्रेष्ठ एवं निर्देशक र सिनेमाटोग्राफर सवनम मुखीया रहेका छन् ।
यो समाचार न्युज २४ नेपालबाट लिईएको हो ।
