काठमाडौं । नेपाल भ्रमणको सिलसिलामा जनकपुरधाममा आज आइपुगेका भारतीय प्रधानमन्त्री नरेन्द्र मोदीको स्वागतका लागि महोत्तरी जिल्लाबाट जनसागर जनकपुरतर्फ उर्लिएको छ ।
मोदीको स्वागतका लागि महोत्तरी जिल्लाका १० नगरपालिका र पाँच गाउँपालिका गरी १५ वटै स्थानिय तहबाट हजारौँको संख्यामा नेपाली जनता जनकपुरधाम आइपुगेका छन् ।
महोत्तरीको प्रत्येक स्थानीय तहबाट ८–१० वटा बस, दर्जनभन्दा बढी जीप, कार र सयौँ मोटरसाइकल जनकपुर आइपुगेका छन् ।
दुई दिनअघि प्रदेश नं २ का गृहमन्त्री ज्ञानेन्द्रकुमार यादवले मोदीको स्वागतका लागि महोत्तरीका प्रत्येक पालिका प्रमुखलाई अनिवार्य उपस्थित हुन र जनसागर ल्याउन निर्देशन दिएअनुसार नै महोत्तरीबाट हजारौँको संख्यामा मानिसहरु आज एकाबिहानै जनकपुरधाम पुगेका हुन् ।
आज बिहानैदेखि महोत्तरीका प्रत्येक सडकखण्डमा जनकपुर जाने सवारीसाधन र व्यक्तिको ठूलो भीड लागेको छ ।
यो समाचार न्युज अफ नेपालबाट लिईएको हो ।
