काठमाडौं । फिल्म ‘कुम्भ करण’ को ट्रेलर रिलिज गरिएको छ । काठमाडौंमा आयोजित एक पत्रकार सम्मेलनमा दीपक ओलीको निर्देशनमा बनेको फिल्म ‘कुम्भ करण’को ट्रेलर सार्वजनिक गरिएको हो । फिल्मको रिलिज्ड ट्रेलरमा हँसाउने कोशिस गरिएको छ ।
यो फिल्ममा भोलराज सापकोटा, गौरव पहारी, अभय बराल, आकाश पल, निशा अधिकारी, कुल्दीप अधिकारी, कमल गाउले लगायतको अभिनय रहेको छ ।
फिल्मको ट्रेलरमा एक शिक्षीकालाई आफ्नो बनाउन लागिपरेका तीन पात्रको कथालाई रमाइलो तरिकालृ प्रस्तुत गरिएको छ । अभिनेत्री निशा अधिकारी हाल अमेरिकामा रहेका कारण फिल्मका निर्देशक दीपक ओलीले उनको ठाउँमा अर्कैलाई डबिङ गर्न लगाइएको जानकारी गराए ।
आकाश पल इन्टरटेन्मेन्टले प्रस्तुत गरेको यो फिल्मलाई चित्र घर्ति मगर र क्षितिज बस्नेतले निर्माण गरेका हुन् । हरि घले लामाले छायांकन गरेको फिल्मलाई मिलन श्रेष्ठले सम्पादन गरेका हुन् । यो फिल्म असार २२ गतेबाट दर्शकमाझ रिलिज हुँदैछ ।
[youtube https://www.youtube.com/watch?v=js1TwNzhp1w]
यो समाचार न्युज २४ नेपालबाट लिईएको हो ।
){kind=link}