काठमाडाैँ। निर्देशक मिलन चाम्सले निर्देशन गरेकाे फिल्म ‘लिलिबिलि’ सफल भए लगत्तै उनले नायक अनमोल केसीलाई लिएर नयाँ फिल्म बनाउँदै छन् ।
मिलनले अनमोललाई नयाँ चलचित्रमा अनुवन्धित गर्दा नायिका बर्षा सिवाकोटी भने तनावमा छिन् । किनकी, मिलनले नायिका बर्षालाई चलचित्र ‘विर विक्रम २’मा केही समय अगाडि नै अनुबन्धित गरेका थिए । उनले याे चलचित्रको छायांकन जेठबाट सुरु गर्ने भनेका थिए । तर, अब मिलनले तत्काल यो चलचित्रको निर्माण नगर्ने भएका छन् ।
नायक अनमोल केसीलाई नयाँ चलचित्रमा साइन गराएपछि मिलन यता तर्फ मोडिएका हुन् । जसले गर्दा, बर्षाले निकै नै आशा गरेको चलचित्र ‘विर विक्रम २’ को निर्माण अन्यौलमा परेको छ र बर्षा प्रत्यक्ष मारमा परेकी छिन् ।
यो समाचार न्युज २४ नेपालबाट लिईएको हो ।
