बलिउड फिल्म निर्माता करन जोहर र भारतीय डिजाइनर मनिष मल्होत्राबीचको सम्बन्ध फेरि चर्चामा अाएकाे छ । यी दुइले सार्वजनिक रुपमा आफूहरु रिलेसनसीपमा नभएको बताइसकेका भएपनि मनिषले करनको जन्मदिनमा दिएकाे शुभकामनाले पुनः यी दुईबीचको सम्बन्धले भारतीय मिडियामा स्थान पाएकाे छ ।
मे २५ तारिखमा करन जोहरको जन्मदिनमा मनिषले एउटा फोटो पोष्ट गरेका थिए । फोटोको क्याप्सनमा उनले लेखे, ‘जन्मदिनको धेरैभन्दा धेरै शुभकामना मेरा निकै नजिकका साथी करन जोहर । आगामी वर्षहरु निकै राम्रोसँग बितोस् ! २५ वर्ष लामो मित्रता र सहकार्य… र अझै थप आउन बाँकी । तिमीले आगामी दिनमा निकै राम्रा चलचित्र बनाउँदै गर्नु र अहिले जती उत्साहित छौं त्यस्तै रहनू ।’
यसमा करनले जवाफ दिएका छन् । ‘मनिष, लभ यु साे मच’ करनकाे याे कमेन्टमा मनिषले फेरि रिप्लाइ दिएका छन् ।
उक्त पोष्टमा एक शुभचिन्तकले कमेन्टमा लेखेका छन्, ‘तपाईंहरु निकै राम्रो जोडी हुनुहुन्छ ।’ जुन कमेन्टमा मनिषले लाइक गरेका छन् । यसरी पनि मान्न सकिन्छ कि उनीहरूले अाफ्नाे सम्बन्ध स्विकारेका छन् ।
यो समाचार न्युज २४ नेपालबाट लिईएको हो ।
