काठमाडौं । फिल्म ‘एक्ट्रा माया’को अफिसियल ट्रेलर केही साता अघिनै सार्वजनिक भईसकेको छ । फिल्मको सार्वजनिक ट्रेलरमा युवा पुस्तामा मौलाइरहेको बैदेशिक रोजागारीमा जाने संस्कृती र बैदेशिक रोजगारीले समाजमा नित्याईरहेको विकृतीहरुलाई प्रस्तुत गरिएको छ ।
यो फिल्म आगामी असार ८ गतेबाट दर्शकमाझ रिलिजमा आउँदै छ । विशेष गरी पछिल्लो समय युवा पुस्तामा बढीरहेको बिदेश जाने प्रचलन र माया प्रेमका कुरालाई पर्दामा प्रस्तुत गर्ने यो फिल्मलाई सोम कुक्सु माझीले निर्देशन गरेका हुन् । यो फिल्मको कथा पनि निर्देशक कुक्सु माझीको आफ्नै रहेको छ ।
फिल्मलाई कमल फुयाँल र कमल के. आरले निर्माण गरेका हुन् । सह निर्माताको रुपमा वीरवल माझी रहेका छन् । फिल्मलाई समिर मियाले सम्पादन गरेका हुन् ।
फिल्ममा समाबेश सोम बहादुर माझी, टेकेन्द्र कार्की र ज्योती गहतराजको शब्दलाई यामन माझी, सन्तोष प्रगाढ, जीतु लोप्चन, अमृता लिम्बु र पवित्रा गुरुङले स्वबद्ध गरेका छन् ।
फिल्ममा सुस्मीता बुर्लाकोटी, अर्जुन खड्का, शोभा भण्डारी, यामन माझी, सनी सुनार, सरीता तामाङ, श्रृष्टी भण्डारी, ललिता महर्जन, कुसुम खत्री, सुन्जीत माझी लगाएत कलाकाहरुको मुख्य भुमिका रहेको छ ।
यसै फिल्मबाट गायक तथा संगीतकार यामन माझीले आफ्नो फिल्मी करियर पनि सुरु गरेका छन् ।
[youtube https://www.youtube.com/watch?v=R5i88_kU4s4]
यो समाचार न्युज २४ नेपालबाट लिईएको हो ।
