नरेन्द्र केसी, घोराही, दाङ । ट्राफिक प्रहरीले ५ नम्बर प्रदेशभित्र दुर्घटना न्यूनीकरण गर्न १४ बुँदे कार्ययोजना तयार पारेको छ ।
दाङको तुलसीपुरमा भएको ट्राफिक प्रहरी सम्मेलन तथा सडक सभ्यता अभिवृद्धि र सवारी दुर्घटना विषयक गोष्ठीबाट कार्ययोजना पारित गरिएको हो ।
५ नंंं. प्रदेशलाई ट्राफिक व्यवस्थापन र शान्ति सुरक्षामा ७ वटै प्रदेश मध्य नमुना योग्य र उत्कृष्ठ बनाउन कार्ययोजना तयार पारेको ५ नं. प्रदेश प्रहरी कार्यालय तुलसीपुरका प्रहरी अतिरिक्त महानिरक्षक (डीआइजी) शेरबहादुर बस्नेतले बताउनुभयो ।
‘बार्षिक रुपमा सवारी दुर्घटनाबाट सत्र सय जनाको मृत्यु र १२ बजार भन्दा बढी घाइते हुन्छन,’ प्रहरी अतिरिक्त महानिरीक्षक बस्नेतले भन्नुभयो– ‘अब हामी पाँच नम्बर प्रदेशलाई नमूना बनाउन लागेका छौ त्यसका लागि सबैको सहयोग आवश्यक छ ।’
कार्ययोजनामा ट्राफिक नियमलाई कार्यान्वयनमा जोड दिने, रिफ्रेस सेन्टरको स्थापना, ट्राफिक स्वयम सेवक निर्माण, घर–घरमा ट्राफिक प्रहरी उतपादन अभियान, ‘म’ जिम्मेवार सडक प्रयोग कर्ता, सवारी चेकजाँच, समय कार्ड लगाएतका बुँदाहरु समेटिएको छ ।
कार्ययोजनालाई प्रत्यक जिल्लाका जिल्ला प्रहरी कार्यालय र ट्राफिक प्रहरी कार्यालयले कार्यान्वयनमा जोड दिनेछन् । गोष्ठिमा १२ वटै जिल्लाका प्रहरी प्रमुख, ट्राफिक प्रहरी प्रमुखहरुको सहभागिता रहेको थियो ।
बढ्दै दुर्घटना, तीन बर्षमा १५४९ को मृत्यु
पछिल्लो समय सवारी दुर्घटनामा अकालमा ज्यान गुमाउनेको संख्या बढ्न थालेको तथ्याङक सार्वजनिक भएको छ । सम्मेलनमा ५ नं. प्रदेश प्रहरी कार्यालय तुलसीपुरले यस्तो तथ्याङक सार्वजनिक गरेको हो ।
कार्यालयका प्रहरी नायव उपरिक्षक भुवनेश्वर तिवारीले सार्वजनिक गरेको प्रतिवेदनमा तीन बर्षको अवधिमा एक हजार पाँच सय ४९ जनाले अकालमा ज्यान गुमाएका छन् । त्यसैगरी गम्भिर घाइते हुनेको संख्या दुई हजार एक सय ४३ पुगेको छ भने सामान्य घाईते एक हजार चार सय ९१ जना छन् । यो प्रदेशको १२ वटा जिल्लामा भएको सवारी दुर्घटनाको तथ्याङक हो ।
आर्थिक बर्ष २०७२/२०७३ देखि आर्थिक वर्ष २०७४÷२०७५ को हाल सम्म दुई हजार दुई सय ९८ सवारी दुर्घटना भएको प्रतिवेदनमा उल्लेख छ । प्रतिवेदनका अनुसार आर्थिक बर्ष २०७२/०७३ मा भएको ७ सय ५० वटा सवारी, दुर्घटनामा ५ सय २८, आर्थिक बर्ष २०७३/०७४ मा भएका ८ सय १ सवारी दुर्घटनामा ५ सय ४२ र आर्थिक बर्ष २०७४/०७५ मा भएको ७ सय ४७ सवारी दुर्घटनामा ४ सय ७९ जनाको मृत्यु भएको छ ।
सवारी दुर्घटना वृद्धि हुनुमा चालकको लापर्वाही, कच्चि सडक, कम जनशक्ति, जनचेतनाकमी प्रमुख कारण रहेको क्षेत्रिय प्रहरी कार्यालय कोहलपुरका प्रहरी उपरिक्षक राजेन्द्रसिंह खड्काले बताउनुभो ।
नेपाल विद्यार्थी संघले गोङ्गबुमा प्रधानमन्त्री केपी शर्मा ओलीको पुत्ला जलाएका छन्। कुन्दन काफ्ले नेतृत्वको नेविसंघ समूहले सरकारले मूल्य वृद्धि गरेको भन्दै गोगबु चोकमा प्रधानमन्त्री ओलीको पुत्ला जलाएका हुन्।
यो समाचार न्युज अफ नेपालबाट लिईएको हो ।
