काठमाडौँ । फिल्म ‘ए सोल्टिनी’ असार १५ गतेदेखि देशभरका हलमा एकसाथ प्रदर्शन हुने भएको छ । शो मितिमा बलिउड अभिनेता संजय दत्तकाे जीवनीमा बनेकाे फिल्म ‘सञ्जु’ पनि प्रदर्शनमा आउदै छ ।
निर्देशक निमा लामा तामाङ रहेको पिल्ममा दिलकुमार घलान तामाङले निर्माण गरेको हो । जिम्बा फिल्मस् प्रोडक्शनको ब्यानरमा पूर्णी तामाङ प्रस्तुतकर्ता रहेको ए सोल्टिनीको बितरण आर आर फिल्मले गर्दैछ । तामाङ भाषाका भण्डै एक दर्जन फिल्म निर्देशन गरिसकेका निर्देशक निमाको ‘ए सोल्टिनी’ पहिलो नेपाली फिल्म हो । बिश्वास भण्डारीले छायांकन तथा सम्पादन गरेको फिल्ममा सोमलाल बाइवा र बिनय केटुको संगीत छ ।
द्धन्द्ध निर्देशन राज गोलेले गरेको छ । फिल्मको कोरियोग्राफी अभि लामाले गरेका छन् । सबिन श्रेष्ठ, अर्जुन गुरुङ, जयनन्द लामा, मन्जु श्रेष्ठ,ज्ञानबहादुर जिम्वा, अनिता गोले,गंगा रानामगर, बिबि रानामगर, सम्झना श्रेष्ठ, शेरबहादुर थिङलगायतका कलाकारहरुले अभिनय गरेका छन् ।
यो समाचार न्युज २४ नेपालबाट लिईएको हो ।
