काठमाडौं । विगत लामो समय देखि नेपाली गीत सङ्गीत र सत्य तथ्य खबर सम्प्रेसन गर्दै आएको अनलाइन पत्रिका ओएसनेपाल डटकमले आयोजना गर्दै आएको ओएसनेपाल म्युजिक अवार्डको दोस्रो संस्करणको टप ५ का नामावली सार्वजनिक भएको छ।
कलाकार र सृजनाको सम्मान गर्ने हेतुले हुन लागेको ओएसनेपाल म्युजिक अवार्डको दोस्रो संस्करणमा ७२ ओटा विधा समेटिएको छ। हाल सम्मकै सर्वाधिक विधा समेटिएको अवार्डको रूपमा ओएसनेपाल म्युजिक अवार्ड पर्दछ।
कलाकर्मीहरुको पर्वको रूपमा लिन सकिने उक्त अवार्डले कलाकारको उचित सम्मान हुने ओएसनेपालका संचालक तथा प्रबन्ध निर्देशक केश बहादुर कार्कीले जानकारी दिए । अवार्डले सङ्गीत क्षेत्रमा योगदान पुर्याउने विभिन्न व्यक्तिहरूलाई सम्मान गर्दै आएको छ।
यो वर्ष पनि उक्त सम्मानलाई निरन्तरता दिने अवार्डका संयोजक विवेक कार्कीले जानकारी दिए । अवार्ड कहिले हुने र कहाँ हुने भन्ने जानकारी भने केही दिनमै ओएसनेपालले सार्वजनिक गर्ने कार्कीले बताए। केही रङ्ग पत्रकारहरूलाई पनि उक्त अवार्डमा सम्मान गरिने छ।
यो समाचार न्युज २४ नेपालबाट लिईएको हो ।
