काठमाडौँ । अभिनेत्री शिल्पा पोखरेलको नयाँ फिल्म ‘वीराङ्गना’ को ट्रेलर रिलीज भएको छ । उक्त फिल्ममा अभिनेता भने अनुप विक्रम शाही रहेको छ ।
ट्रेलरमा शिल्पा र अनुपको एक्सन अवतार देखाइएको छ । घोडा र बाँदरको पनि प्रयोग गरिएको फिल्ममा अभिनेता पुथ्वीराज प्रसाईँ एक्सन र रोमान्टिक अवतारमा देखिएको छ । ‘वीराङ्गना’ फिल्म फोर्थ आई मुभिजको ब्यानरमा बाबुराम दास, श्यामबहादुर थापा, रघु परियार, देव तामाङ र बिमला भट्टले संयूक्त रुपमा निर्माण गरेका हुन् । यसमा सह(निर्माता सुमी चामलिङ राई रहेकी छन् ।
यस फिल्मको निर्देशन राजबहादुर सानेले गरेका हुन् भने कथा पनि निर्देशक स्वयम कै हो । फिल्मलाई दिपक शर्मा र पुरुषोत्तम न्यौपानेको संगीत, कविराज गहतराज र सुरेन्द्र बसेलको कोरियोग्राफी गरेका छन् । श्री श्रेष्ठको द्वन्द्व निर्देशन तथा हरि घले लामा र रामेश्वर कार्कीको छायांकन छ ।
शिल्पा पोखरेल , अनुप विक्रम शाही र पुथ्वीराज प्रसाईँको साथै प्रज्वल गिरी, शुशिल पोखरेल, ध्रुव कोईराला, प्रिया रिजाल, धिरेन शाक्य, कृष्ण शिवाकोटी, देव तामाङलगायतका कलाकारहरुको अभिनय रहेको ‘वीराङ्गना’को प्रदर्शन मिति असार २९ गतेलाई तय गरिएको छ ।
[youtube https://www.youtube.com/watch?v=a252UGKu-zo]
यो समाचार न्युज २४ नेपालबाट लिईएको हो ।
){kind=link}