कावासोती सेन्ट जोसेफ इग्लिस बोर्डिङ्ग स्कुलमा इष्टुको इकाइ समिति गठन

श्रावण २३/माधव अधिकारी

कावासोती ।। कावासोती सेन्ट जोसेफ इग्लिस बोर्डिङ्ग स्कुल, कावासोतीमा संस्थागत विद्यालय शिक्षक युनियन (इष्टु) को ११ सदस्यीय इकाइ समिति गठन भएको छ । विद्यालयका सहायक प्राचार्य विकास थापाको अध्यक्षतामा सम्पन्न सो कार्यक्रमको प्रमुख अतिथि इष्टु नवलपरासीका कार्यबाहाक अध्यक्ष चिरन्जीवि गौडेल रहनुभएको थियो । यसैगरी विशेष अतिथिको रुपमा विद्यालयका प्रिन्सिपल ओम प्रसाद रिजाल रहनुभएको थियो । कार्यक्रममा बोल्नुहुदै प्रमुख अतिथि को रुपमा रहनुभएको इष्टु नवलपरासीका अध्यक्ष चिरञ्जीवि गौडेलले आफ्नो कर्तव्य बाट कहिल्यै पछि हट्न नहुने र संगठनमा आबद्ध सम्पूण साथीहरुको हकहितको लागि आफूहरु कहिल्यै पछि नहट्ने कुरामा जोड दिनुभयो । त्यस्तै इष्टुका जील्ला सचिव युवराज गौतमले इष्टुका उद्देश्यको बारेमा कार्यक्रममा प्रष्ट पार्नुभएको थियो । कार्यक्रममा नव गठित पदाधिकारीहरुलाई इष्टु नवलपरासीका कार्यबाहाक अध्यक्ष गौडेलले सपथग्रहण समेत गराउनुभएको थियो ।
कार्यक्रम जिल्ला कार्य समिति सदस्य सन्दिप बडुले संचालन गर्नुभएको थियो । गठित इकाइ समितिको अध्यक्षमा कमल न्यौपाने, उपाध्यक्षमा अनु पाठक र विक्रम कार्की, सचिवमा विजय लम्साल, कोषध्यक्षमा राधा कुमारी श्रेष्ठ चयन हुनभएको छ ।
त्यसैगरी सदस्यहरुमा सुविन कोइराला, एलिना खनाल, दिप्ती चापागाइ, सलिना सुनार, आरति रिजाल र दिनेश कंडेल चयन हुनुभएको छ ।

कमेन्ट गर्नुहोस्

comments