नुवाकोट, नुवाकोटको बेलकोटगढी नगरपालिका वडा नं ७ को रातमाटेबाट ६ जना जुवाडे जुवाको खालबाट पक्राउ परेका छन ।
पक्राउ पर्नेमा बेलकोटगढी न.पा.वडा नं.७ रातामाटेका तिलक बहादुर तामाङ, जंग बहादुर श्रेष्ठ , पुरुषोत्तम भण्डारी, कुमार राई , शम्भु जँग कुँवर र रामराजा रहेको जिल्ला प्रहरी कार्यलय नुवाकोटले जनाएको छ । तिलक बहादुर तामाङले आफ्नै घरमा कुमार राई लगायतका मानिसहरुलाई जम्मा गरी १० रुपैया प्वाईन्टमा जुवा खेलिरहेको अवस्थामा जिल्ला प्रहरीलाई उजुरी आएपछि प्रहरीले रङ्गे हात पक्राउ गरेको हो ।
प्रहरीले उनीहरुसँग ५६ हजार ८ सय ७० रुपैयाँ बरामद गरेको जिल्ला प्रहरी कार्यलय नुवाकोटले जनाएको छ । पक्राउ परेका ६ जुवाडेलाई पक्राउगरि आवश्यक अनुसन्धान भइरहेको जिल्ला प्रहरी कार्यलय नुवाकोटका प्रमुख वसन्त कुवरले बताउनुभयो । पछिल्लो समय नुवाकोट प्रहरीले अवैध घरेलु मदिरा उत्पादन, विक्रि वितरण र जुवातास खेल्ने प्रति निकै आक्रामक शैली अपनाएको छ ।
यो समाचार न्युज अफ नेपालबाट लिईएको हो ।
