काठमडौँ । फिल्म ‘जय शम्भु’ को अफिसियल टीजर सार्वजनिक भएको छ । अभिनेता द्वय अनुप विक्रम शाही र प्रशान्त ताम्राकार स्टारर ‘जय शम्भु’को टिजर आज सोमबार रिलीज गरिएको हो ।
अभिनेत्री बर्षा सिवाकोटीका लागि दुई अभिनेता एकअर्कासँग भिडेको दृष्यलाई देखाइएको छ । टीजरमा अनुप र प्रशान्त दुवै एङग्री अवतारमा प्रस्तुत छन् । टीजरबाट हिरो र भिलेन छुट्याउन मुश्किल रहेको छ । उक्त फिल्ममा हरि घले लामाको छायांकन, श्री श्रेष्ठको एक्सन, टंक बुढाथोकीको संगीत, वनिश शाहको सम्पादन, रामजी लामिछानेको नृत्य रहेको छ । राजकुमार नगरकोटी र चक्र पाख्रिन कार्यकारी निर्माता रहेको ‘जय शम्भु’ को निर्मातामा अरविन्द्र शाक्य छन् ।
रुपेश तामाङ निर्देशित ‘जय शम्भु’ मा रोशन महर्जन, करुणा पाण्डे, अनुपम श्रेष्ठ, बसन्त भट्ट, कालु राना लगायतका कलाकारहरुको पनि अभिनय छ । फिल्मलाई भदौ १ गते प्रदर्शन मिति तोकिएको छ ।
[youtube https://www.youtube.com/watch?v=GUAbBla_2nI]
यो समाचार न्युज २४ नेपालबाट लिईएको हो ।
){kind=link}