दयाराम पण्डित, बाजुरा
बाजुराको गौमुल गाउँपालिका वडा नं ३ रातामाटी भन्ने ठाउँमा रुखमा च्यापिएर शुक्रवार राति दुई जनाको मृत्यु भएको छ । मृत्यु हुनेमा गौमुल गाउँपािलका वडा नं ३ गर्जेका अन्दाजी २६ वर्षे धर्म बहादुर वोहरा र २ वर्षे भिम वहादुर वोहरा हुन् ।दुबैजनाको घटनास्थलमै मृत्यु भएको प्रारम्भिक जानकारी प्राप्त भएको छ ।
रुखमा च्यापिएर घाईते हुनेमा सोही वडाका खन्टे बोहरा हुन् । घाईतेको उपचारका लागि स्थानीयले अहिले जिल्ला अस्पताल मार्तडी तर्पm ल्याउदै गरेको वताइएको छ । यद्येपी घटनास्थल मार्तडी देखि झण्डै १० कोष पैदल दुरी भएकाले मार्तडी पुगाउन समयलाग्ने वताइएको छ ।
स्थानीय दिपा वोहराले दिनुभएको जानकारी अनुसार घरका लागि काठ चिर्न भनेर गएका तिनैजना रातामाटी जंगलमा त्रिपाल टांगेर सुतिरहेको अवस्थामा शुक्रवार राति रुख ढलेर च्यापिएका हुन् ।
बोहराको आफ्नै घर निर्माणका लागि दुईदिन देखि जंगलमा बस्दै आएका थिए । राति हावाहुरीका कारण रुखढले पछि त्रिपाल भित्रै च्यापिएर मृत अवस्थामा फेला परेको स्थानीयले वताएका छन् ।
थप उद्धारका लागि जिल्ला प्रहरी कार्यालय बाजुराबाट उद्धार टोली घटनास्थल तर्फ पठाईएको प्रहरीले जनाएको छ ।
यो समाचार न्युज अफ नेपालबाट लिईएको हो ।
