काठमाडौं । आगामी साउनको १८ गतेबाट दर्शकमाझ रिलिजमा आउँदै गरेको फिल्म ‘कायरा’को प्रचार प्रसारमा अभिनेता आर्यन सुग्देल र अभिनेत्री साम्राज्ञी राज्यलक्ष्मी शाहको जोडी दौडिएरहेका छन् । यसै क्रममा यो फिल्मको नयाँ गीत रिलिज गरिएको छ ।
फिल्ममा समावेश ‘सुखमा तिमीसँगै हाँसु’ बोलको गीत रिलिज गरिएको हो । रिलिज गरिएको यो गीतको भिडियोलाई फिलिपिन्सको विभिन्न रमणिय दृश्यहरुलाई कैद गरिएको छ ।
रिलिज्ड गीत‘सुखमा तिमीसँगै हाँसु’को भिडियोमा आर्यन र साम्राज्ञीको जोडीलाई रोमान्टिक रुपमा प्रस्तुत गरिएको छ । आकर्षक देखाइएको छ ।
कोशिस क्षेत्रीको शब्द तथा संगीतमा यो गीतलाई केतन क्षेत्रीले स्वरबद्ध गरेका छन् ।
लक्ष्मण रिजालको निर्देशनमा बनेको यो फिल्मलाई अभिनेता आर्यन र लक्ष्मणले संयुक्त रुपमा निर्माण गरेका हुन् । फिल्ममा शिवराम श्रेष्ठको छायांकन, आर्यन सिग्देलको कथा, केदार भुषालको पटकथा तथा संवाद रहेको छ ।
[youtube https://www.youtube.com/watch?v=z2km2uyHLJM]
यो समाचार न्युज २४ नेपालबाट लिईएको हो ।
){kind=link}