सचिन पंगेनी
बुटवल,भदौ ११ ।
रुपन्देहीको सैनामैनामा बस र ट्रिप्पर ठोक्किदा चार जना घाईते भएका छन् ।
पुर्व पश्चिम राजमार्ग अन्र्तगत सैनामैनाको कलौनी स्थित शहिद नारायण पोख्रेल रामापुर क्याम्पस अगाडि सो दुर्घटना भएको हो ।
दुर्घटना ठूलो भएपनि मानवीय क्षति भने भएको छैन । ठोक्किएका दुइ सवारी क्षतबिक्षत भएका छन् ।
अर्घाखँचीबाट बुटवल तर्फ आउदै गरेको लु १ ख ७६९२ नम्बरको बस र बिपरित दिशातर्फ गुडिरहेको लु १ ख ६०८४ नम्बरको ट्रिप्पर ठोक्किएका हुन् ।
घाइते हुनेहरुमा ट्रिप्पर चालक कपिलबस्तु जिल्ला तौलिहवा १९ का २८ वर्षिय शिव नारायण अहिर ,सह चालक सोही ठाउ बस्ने १९ वर्षिय राम दास पुरी र बसमा सवार अर्घाखाची मालारानी गाउपालिकाका २८ वर्षिय गणपती खनाल , कपिलबस्तु जिल्लाका पत्थरकोटका २७ वर्षिय बिष्णु प्रसाद पौडेल रहेको अस्थायी ट्राफिक प्रहरी पोस्ट मुर्गियाले जनाएको छ ।
घाईतहरुको लुम्बिनी अञ्चल अस्पतालमा उपचार शुरु भएको छ । दुर्घटनापछि बन्द भएको राजमार्ग अहिले खुलेको छ ।
सडकमा रहेका दुबै सवारीलाइ जेसिबीको प्रयोगबाट हटाइएको प्रहरीले जनाएको छ ।
