काठमाडौँ ।
ट्रायलमान्डुको आयोजनामा शनिवार भएको नेपालको पहिलो एक सय माइलको केभिआर स्टेज रेस च्यालेन्जको चौथो चरणमा पुरुषतर्फ अशोक बराम र महिलातर्फ फ्लुअर माउन्टजोय प्रथम भएका छन् ।
रानीकोटमा सुरु भएर डोलुमा सम्पन्न भएको ३७ किमी दौडअन्तर्गत पुरुषतर्फ बरामले निर्धारित दुरी चार घण्टा २३ मिनेट १९ सेकेन्डमा पूरा गरे । राजा महतारा चार घण्टा २४ मिनेट २० सकेन्ड समय लगाएर उपविजेता र मनकुमार रोका मगर चार घण्टा ३४ मिनेट ०३ सेकेन्डमा दौड पुरा गरेर तेस्रो स्थानमा रहे ।
महिलातर्फ च्याम्पियन बनेकी माउन्टजोयले पाँच घण्टा ३१ मिनेट ०४ सेकेन्डमा दौड पूरा गरिन् । त्यसैगरी उपविजेतामा बनेकी स्टाइन हेजेलवर्गले पाँच घण्टा ५८ मिनेट र १४ सकेन्ड समय लगाइन् । सोन्या मार्टिनले पाँच घण्टा ५८ मिनेट ३६ सकेन्ड समय लगाएर तेस्रो स्थान हासिल गरिन्।
विजेता धावकधाविकाहरुलाई नेपाल ओलम्पिक कमिटीका निरज श्रेष्ठले पुरस्कार प्रदान गरे । सो स्टेज रेस च्यालेन्जको चौथो चरणमा १५ विदेशीसहित कुल ७० जना खेलाडीहरुको सहभागिता रहेको थियो ।
यो समाचार न्युज अफ नेपालबाट लिईएको हो ।
