१८ भदौ , मोरङ – पूर्वपश्चिम राजमार्ग अन्तर्गत मोरङको सुन्दरहरैंचा नगरपालिका ७ गोठगाउँमा आइतबार बिहान स्कारपिओ दुर्घटना हुँदा दुईजनाको मृत्यु भएको छ।
इलाका प्रहरी कार्यालय बेलबारीका प्रहरी निरीक्षक रामजी कटुवालका अनुसार दुर्घटनामा झापा साविक पृथ्बीनगर- ५ तथा हाल भद्रपुर १ की १८ वर्षीय विनु राई घाइते भएकी छन्। गम्भीर घाइते राईको बीपी कोइराला स्वास्थ्य विज्ञान प्रतिष्ठान धरानमा उपचार भइरहेको छ। तीव्र गतिमा पश्चिमबाट पूर्वतर्फ जाँदै गरेको बा १६ च ४७५७ नम्बरको स्कारपिओ बिहान साढे ४ बजे नियन्त्रण गुमाएर सडकबाट खसेपछि रुखमा ठोक्किएर दुर्घटना भएको जानकारी स्थानीय बासिन्दाले प्रहरीलाई दिएका छन्।
स्कारपिओ पूर्णरुपमा क्षतिग्रस्त भएको छ । प्रहरी निरीक्षक कटुवालका अनुसार स्कारपिओका चालक अहिलेसम्म प्रहरीको सम्पर्कमा छैनन् ।
