काठमाडौँ।
पोखरा महानगरपालिका – १८ खपाैदी स्थित हर्पन खोलामा पौडी खेल्ने क्रममा बेपत्ता एक बालकको शव सशस्त्र प्रहरिको गोताखोरले निकालेको छ । पोखरा महानगरपालिका- ५ मालेपाटन बस्ने अन्दाजी वर्ष १४/१५ को सोनम सुवेदी आइतबार दिउँसो पौडी खेल्ने क्रममा सो खोलामा डुबेर बेपत्ता भएका थिए ।
सुवेदी बेपत्ता भएपछि उनीसँगै पौडी खेल्न गएका अर्का वालकले स्थानीय मार्फत सशस्त्र प्रहरीलाई जानकारी गराएका थिए ।
जानकारी प्राप्त हुनासाथ सशस्त्र प्रहरी बल नेपाल नं.२४ कालिका गण कास्कीबाट परिचालन भएको विशेष विपद् उद्धार एवं गोताखोर टोलीले हर्पन खोलाबाट आइतबार वालकको शव निकालेको हो । थप प्रक्रियाका लागि उनको शव नेपाल प्रहरीलाई बुझाइएको डिएसपी शैलेन्द्र थापाले जानकारी दिए ।
यो समाचार न्युज अफ नेपालबाट लिईएको हो ।
