चितवन।
चितवनको भरतपुरस्थित बिपी कोइराला मेमोरियल क्यान्सर अस्पतालमा उपचार गराउँदै आएका एक चिनियाँ नागरिक होटलमा मृत अवस्थामा भेटिएका छन्।
भरतपुर महानगरपालिका वडा नम्बर ७ स्थित वर्षना होटलमा बसेर अस्पतालमा उपचार गर्दै आएका ५६ वर्षीय पियान छ्याङसिन आज बिहान मृत अवस्थामा भेटिएको जिल्ला प्रहरी कार्यालय चितवनले जानकारी दिएको छ।
भरतपुर महानगरपालिका ७ स्थित क्यान्सर अस्पतालको १ नम्बर गेट अगाडि वर्षना होटलको कोठा नम्बर ११९ मा उनी मृत अवस्थामा भेटिएका हुन् ।
क्यान्सरको उपचार गर्न मृतक असार १० गते सो होटलमा बस्दै आएका थिए । घटनाबारे अनुसन्धान भइरहेको प्रहरीले जनाएको छ।
यो समाचार न्युज अफ नेपालबाट लिईएको हो ।
