मुगु ।
मुगुमा तेस्रो सातासम्म करिव ७० प्रतिशत धान रोपाइँ भएको जिल्ला कृषि विकास कार्यालयले जनाएको छ ।
गत जेठ दोस्रो सातादेखि मुगुको खत्याड, सोरु र छायाँनाथ रारा नगरपालिकाका किसानले धान रोपाइँ सुरु गरेको करिव एक महिनाभित्र ७० प्रतिशत धान रोपाइँ र ३० प्रतिशत बाँकी रहेको कार्यालयका प्रमुख चन्द्रबहादुर शाहीले बताए ।
उनका अनुसार खोलानाला सिंचाइ नहर कुलो लगायत पानीको सुविधा भएको बस्तीमा धान रोपाइँ सकिएको छ भने अब आकासे पानीको भरपर्ने ठाउँहरुमा मात्रै रोपाइँ बाँकी रहेको छ । असार २० सम्म धान रोपाइँ सम्पन्न गरिसक्नु पर्ने भएपनि खडेरीको असरले ढिलाइ भएको उनको भनाइ छ ।
धान रोपाइँ ढिला हुँदा उत्पादनमा कमी आउने जिल्ला कृषि बिकास कार्यालयले जनाएको छ । गत वर्षको तुलनामा यो पटक खडेरीले गर्दा मुहानमा पानीको स्रोत कमी आउँदा किसानलाई रोपाइँ गर्न मुश्किल भएको छ।
मुगुमा कुल खेतीयोग्य जमिन १० हजार ४ सय ६१ हेक्टर जमिनमध्ये ९ हजार ३१ जमिनमा २ हजार ४८ मेट्रिक टन धान उत्पादन भएको छ ।
यो समाचार न्युज अफ नेपालबाट लिईएको हो ।
