काठमाडौं ।
महोत्तरीको जलेश्वर कारागारमा रहेका एक थुनुवाको मृत्यु भएको छ । मृत्यु हुनेमा सिन्धुलीको कमलामाई नगरपालिका–७ का ३० वर्षीय निसाज सुनुवार रहेका छन् ।
उनको आज बिहान निधन भएको जिल्ला प्रहरी कार्यालय महोत्तरीले जनाएको छ ।
कारागारका अनुसार आइतबार बिहान ८ बजे सुनुवारलाई असहज भएपछि जलेश्वर अस्पताल लगिएको थियो ।
उपचारकै क्रममा उनको ज्यान गएको जलेश्वर कारागार महोत्तरीले जानकारी दिएकाे छ । सुनुवारको मृत्युको कारण हृदयघात भएको जलेश्वर अस्पतालले जनाएको छ ।
सुनुवारको शव अहिले प्रादेशिक अस्पताल जलेश्वरमा राखिएकाे छ । पोस्टमोर्टमपछि उनको शव परिवारलाई जिम्मा लगाइने प्रहरीले बताएकाे छ ।
यो समाचार न्युज अफ नेपालबाट लिईएको हो ।
