सोनकलि थारु,
८ जेठ नवलपरासी। ज्यामिरे टोल विकास सुनवल ७ ज्यामिरे नवलपरासीको समितिको आयोजनामा आफनो गाँउलाइ नमुना गाउटोल बनाउन समसामाहिक विषयहरुमा छलफल गर्न ज्यामिरे टोलबासीहरुको भेला सम्पन्न भएको छ । भेला टोल विकास समितिका अध्यक्ष उदय गुरुङको अध्यक्षतामा सम्पन्न भएको छ ।उक्त कार्यक्रममा ज्यामिरे टोल अन्तरगत रहेका विभिन्न संघ संस्था ,क्लब ,आमा समुह ,बाल क्लब आदि सबैको बिचमा समन्वय हुनुपर्नेमा सबैले जोड दिएका छन । गाउटोलमा सरसफाइ गर्ने ,फोहोर जताततै फाल्नेलाइ जरिवाना , शौचालय भए नभएको अनुगमन, बन संरक्षण कसरी गर्ने आदि विषयमा व्यापक छलफल भएको थियो ।भेलामा उपस्थित सबैले आ आफनो राय सुझााब पेश गरेका थिए । गाउटोल भेलामा उपस्थित नहुने लाइ जरिवाना सहित सचेत गराउनुपर्ने युवाबर्गले सुझााब व्यक्त गरेका थिए । कार्यक्रममा पुर्व वडा नागरिक मञ्चका संयोजक टिचन गुरुङले बन संरक्षणको सवालमा मन्तव्य राख्नुभएको थियो भने कार्यक्रमको सञ्चालन अम्बर बहादुर बि कले गर्नुभएको थियो ।
