०१ मंसिर , जाजरकोट – निर्वाचन आयुक्त सुधीरकुमार शाहले चुनाव सम्पन्न गर्न सबै राष्ट्रसेवक कर्मचारीलाई उच्च मनोबलका साथ लाग्न निर्देशन दिनुभएको छ ।
मतदान अधिकृत र सहायक मतदान अधिकृतलाई प्रशिक्षण दिँदै शाहले मंसिर १० गते हुने प्रतिनिधिसभा र प्रदेशसभा निर्वाचन सफल पार्न निर्वाचनमा खटिएका कर्मचारी तथा शिक्षक, सुरक्षाकर्मीलगायतलाई उच्च मनोबल बनाउन निर्देशन दिनुभएको हो ।
निर्वाचनको व्यवस्थापन, तयारी र शान्ति सुरक्षाको अवस्थाबारे निरीक्षण तथा अनुगमन गर्न हेलिकप्टरमार्फत यहाँ आउनुभएका शाहले निर्वाचनमा खटिने मतदान अधिकृतलाई तोकेको जिम्मेवारी बहन गर्न आग्रह गर्नुभयो । आयुक्त शाहले निर्वाचन बिथोल्ने समूहलाई नियन्त्रणमा लिन प्रजिअ पुष्पराज शाहीलाई निर्देशनसमेत दिनुभयो ।
रासस
