काठमाडौं । होटेल सोल्टीभित्र रहेको माजोङ क्यासिनोका सञ्चालकसहित ८ जनालाई प्रहरलिे पक्राउ गरेको छ । माजोङ क्यासीनोमा नेपालीलाई जुवा खेलाइएको सूचनाका आधारमा मंगलबार राति पुगेको महानगरीय प्रहरी परिसरको टोलीले जुवा खेल्ने र खेलाउने कार्यरमा संलग्नहरुलाई नियन्त्रणमा लिएको हो ।
पक्राउ पर्नेमा क्यासिनो सञ्चालक ४५ वर्षीय विनोद श्रेष्ठ र ओम कर्माचार्य रहेका छन् । श्रेष्ठ क्यासिनोका म्यानेजिङ डाइरेक्टर हुन् भने कर्माचार्य कार्यकारी अधिकृत हुन् ।
त्यसैगरी, जुवा खेलमा संलग्न मकवानपुरका विकल्प पोखरेल, ललितपुरका शिखर पौडेल, काठमाडौंका तेन्जिङ मेलेकलाई पनि प्रहरीले नियन्त्रणमा लिएको छ । प्रहरीले क्यासिनोमा जुवा खेलिरहेकै अवस्थामा समातिएका रञ्जित खड्गी, अरुण सेडाई र पासाङ ठकुरीलाई पनि नियन्त्रणमा लिइएको छ ।
यो समाचार न्युज अफ नेपालबाट लिईएको हो ।
