काठमाडौं । बैशाख २८ मा रिलीज हुने नेपाली चलचित्र ‘लम्फू’को डान्सिङ्ग गीत ‘सुको नहोस् यार’ रिलीज भएको छ । यो गीतमा बोलको गीतमा अर्जुन पोखरेलको संगीत तथा शिव परियारको स्वर रहेको छ ।
शब्द प्रमोद ढुंगानाले लेखेका छन् । युवा अवस्थामा पैसा नहुँदा पनि जिन्दगी रमाईलोसँग बितेका पलहरुलाई देखाइएको भिडियोलाई शिव बिकले कोरियोग्राफी गरेका हुन् । भिडियोमा नायकद्वय कबिर खड्का र सलोन बस्नेत फिचरिङ्ग छन् । यसअघि यो चलचित्रका दुई गीत र ट्रेलर रिलीज भईसकेका छन् ।
यस चलचित्रमा तरकारीवालीको नामले संसारभर प्रख्यात कुशुम श्रेष्ठको पनि अभिनय रहेको छ । भूपतिको लेखन, दिपक बज्राचार्यको छायांकन र हरि सिलवालको सम्पादनमा तयार भएको चलचित्रका गीतहरुलाई रामजी लामिछाने र शिव बिकले कोरियोग्राफी गरेका छन् ।
गोपालचन्द्र लामिछानेको निर्देशनमा तयार ‘लम्फू’मा कबिर र सलोनको साथमा मरिश्का पोखरेल, चाँदनी शर्मा, सञ्जित भण्डारी, कुशाग्र भट्टराई बालकलाकार, आयन खड्का, ओम गुरुङ्ग, अजित लामिछाने, सन्तोष कार्की, कुशल गुरुंग, काजोल, रश्मी भट्ट, जानुका पौडेल, पुष्प आचार्य, झलक कार्की, थमन सिंह पुर्जा लगायतको अभिनय रहेको छ ।
[youtube https://www.youtube.com/watch?v=x4lAUc1DvyU?feature=oembed&w=750&h=422]
यो समाचार न्युज २४ नेपालबाट लिईएको हो ।
){kind=link}