यही वैशाख १४ गतेबाट प्रदर्शनमा आउन लागेको चलचित्र ‘ह्याप्पी डेज’ले फिल्म प्रचारमा नौलो तरीका अपनाएको छ । दर्शकको ध्यान तान्न चलचित्र ‘ह्याप्पी डेज’ले उपत्यकामा रथ यात्रा गर्ने भएको छ । निर्माण टिमले कलाकारसहितको टोलीलाई रथ चढाएर ललितपुर र काठमाडौँको विभिन्न स्थानमा घुमाउने बताएको छ ।
लगनखेलबाट सुरु हुने रथ यात्रा सोमबार बिहान १० बजे लगनखेलबाट सुरु भई थापाथली, त्रिपुरेश्वर, दरबारमार्ग, पुतलीसडक हुँदै भृकुटीमण्डपमा पुगेर सकिनेछ । त्यसपछि पुनः रथ यात्रा सिंहदरबार, माइतीघर, नयाँबानेश्वर, तीनकुने, कोटेश्वर हुँदै सातदोबाटोमा पुगेर टुंगिने बताईएको छ ।
हालै हलमा प्रदर्शनरत मिलन चाम्से निर्देशित चलचित्र लिलीबिली’ अहिले सफलताको दोस्रो सातामा प्रदर्शनरत छ । पूनः चाम्से चलचित्र ‘ह्याप्पी डेज’को प्रचारमा आक्रामक रुपले लागिपरेका छन् । चलचित्रमा दयाहाङ राई, प्रियंका कार्कीको मुख्य अभिनय रहेको छ ।
यो समाचार न्युज २४ नेपालबाट लिईएको हो ।
