काठमाडौँ : फिल्म ‘छक्का पन्जा ३’ मा मुख्य नायिकाका रुपमा दीपिका प्रसाईको भूमिका रहने निश्चित भएको छ । दिपाश्री निरौलाको निर्देशनमा बन्ने फिल्म ‘छक्का पन्जा ३’ को मुख्य नायिकामा दीपिका प्रसाई अनुबन्धित भएकी छिन् ।
चलचित्रका मुख्य नायक तथा निर्माता दीपकराज गिरीले दीपिकालाई नायिकाका रुपमा अनुबन्धित गरेको जानकारी गराएका छन् । गत वर्ष प्रदर्शित रमेश उप्रेतीको एश्वर्यबाट दीपिकाले डेब्यु गरेकी हुन् । त्यस पश्चात उनि दोस्रो चलचित्र ‘छक्का पन्जा ३’ मार्फत दर्शक माझ आउदै छिन् ।
दीपक-दिपा कम्पनीको ‘छक्का पन्जा ३’ मा वर्षा र स्वस्तिमा अटाउन सकेनन् भने प्रियंका कार्की विशेस भूमिकामा रहने बताईएको छ ।
दीपकराजका साथमा केदार घिमिरे, जितु नेपाल,शिवहरि पौडेल, बुद्धि तामाङलगाएत कलाकारहरु दोहोरिने भएका छन् । फिल्मको प्रदर्शन मिति असोज ३० लाई तोकिएको छ ।
यो समाचार न्युज २४ नेपालबाट लिईएको हो ।
