काठमाडौँ । चलचित्र ’लम्फू’को अर्को गीत ’तिमीलाई भुलेर’ को भिडियो सार्वजनिक भएको छ । बैशाख २८ गते रिलीज हुने नेपाली चलचित्र ’लम्फू’ तरकारीवालीको नामले चर्चित रहेका छन् ।
प्रमोद खरेलको स्वर रहेको गीतमा अर्जुन पोखरेलको संगीत तथा युवराज सापकोटाका शब्द रहेका छन् । चलचित्रलाई गोपालचन्द्र लामिछानेले निर्देशन गरेका हुन् । रामजी लामिछानेको कोरियोग्राफी रहेको यस गीतको भिडियोमा चलचित्रका प्रमूख दुई कलाकार कबिर खड्का र मरिष्का पोखरेल फिचरिङ्ग छन् ।
दिपक बज्राचार्यको छायांकन रहेको यस चलचित्रका सम्पादक हरि सिलवाल हुन् । पुनम गौतमले चलचित्रमा कस्ट्युम डिजाईन गरेकी छन् । चलचित्रमा रामजी लामिछाने र शिव बिकको कोरियोग्राफी छ भने अर्जुन पोखरेलको संगीत रहेको छ ।
’लम्फू’मा कबिर खड्का, मरिश्का पोखरेल, सलोन बस्नेत, चाँदनी शर्मा, सञ्जित भण्डारी, कुशाग्र भट्टराई( बालकलाकार), आयन खड्का, ओम गुरुङ्ग, अजित लामिछाने, सन्तोष कार्की, कुशल गुरुंग, काजोल, रश्मी भट्ट, जानुका पौडेल, पुष्प आचार्य, झलक कार्की, थमन सिंह पुर्जा लगायतको अभिनय रहेको छ ।
[youtube https://www.youtube.com/watch?v=U-8gNrDWgUg]
यो समाचार न्युज २४ नेपालबाट लिईएको हो ।
