बैशाख-९, २०७३। नवलरासीको मध्यबिन्दु न.पा १२ स्थित भित्री सड्क खण्डमा चोरमारा बाट प्रसौनी तर्फ जादै गरेको जिप दुर्घटना हुदा एक जनाको मृत्यु भएको छ । घटनामा परि १७ जना घाइते भएका छन् । चोरमारा वजार देखि प्रसौनि तर्फ जादै गरेको ना १ ज २३ ०५ नं.को जिप आफै अनियन्त्रीत भइ सडकको वाया तर्पm माटोको ढिस्कोमा ठोकिन जदा सो दुर्घटना भएको हो ।दुर्घटनामा परि गम्भिर घाइते भएकाा मध्यविन्दु १५ वस्ने २८ वर्षे यम थारु चौधरीको उपचारका लागि भरतपुर लाने क्रममा वाटो मा नै मृत्यु भएको हो । दुर्घटनमा परि जिपमा सवार अन्य १७ जना घाइते भएक छन् ।
घाइते हुनेमा मध्यबिन्दु १५ बस्ने २५ वर्षकी रामजिता पछाई क्षेत्री , ३७ बर्षकी खेम कुमारी चौधरी , १५ बर्षकी निशा महतो ,१३ वर्षकी रोनिका चौधरी ,१७ वर्षका रमेश चौधरी, २ वर्षका ऐशन चौधरी , २० वर्षकी पुजा चौधरी ,३० वर्षकी दिलमाया चौधरी , ३५ वर्षकी प्रमे कुमारी चौधरीको लगाएतका घाइते भएको प्रहरीले जनाएको छ । घाइतेहरुको पुरानो मेडिकल कलेज भरतपुरमा उपचार भइ रहेको प्रहरीले जनाएको छ ।
