काठमाडाैं। बलिउड नायक सलमान खानको क्रेज यती छ कि उनको स्टारडमले नै एक पछि अर्को फिल्म हिट हुँदै गईरहेको छ । सन् २००९ पछि ‘जय हो’ र ‘ट्युवलाईट’ बाहेक एकपछि अर्को गर्दे हिटमाथि हिट फिल्म दिएका सलमानको अबको बहुप्रतिक्षित फिल्म भनेको ‘रेस ३ ‘हो । सलमान खान स्टारर रेस ३ सन् २०१८ को सबैभन्दा ठुलो चलचित्रमा समावेश भएको छ ।
पछिल्लो फिल्म टाईगर जिन्दा हैको सफलतापछि सलमानको फिल्म ‘रेस ३’ लाई खरिद गर्न यतिबेला डिस्ट्रब्युटरहरुको लाईन नै लागेको छ ।
मिडियाको अनुसार फिल्म ‘रेस ३’ का लागि १९० करोड सम्मको अफर मिलेको दाबी गरिएको छ। जुन अफर अहिलेसम्मकै सर्वाधिक रकम भएको बताईएको छ ।सलमान खानको पछिल्लो चलचित्र “टाइगर जिंदा है” को थिएटर राइट्स करिब १३० करोडमा बिकेको थियो ।
‘रेस ३’मा सलमानसंगै ज्याकलिन फर्नान्डिज , डेजी शाह , अनिल कपुर ,बबी देओल लगायतको अभिनय रहेको यो फिल्म जुन १५ मा रिलिज हुने भएको छ ।
यो समाचार न्युज २४ नेपालबाट लिईएको हो ।
