एजेन्सी । बलिउड अभिनेत्री सोनम कपुरको रिसेप्शनको साँझ निकै शान्दार रह्यो । कैयौं बलिउड सेलिब्रेटीहरुले डान्स फ्लोरमा रमाईलो गरे । यसै फ्लोरबाट अभिनेत्री करीना कपुरको डान्स भिडियो सार्वजनिक भएको छ ।
यो भिडियोमा करीनाले आफ्नो पति सैफ अली खानको हिट नम्बर ‘ओले ओले’मा डान्स गरिरहेकी छन् । सैफको फिल्म ‘ये दिल्लगी’को यो गीत ‘ओले ओले’ निकै चर्चित बनेको थियो । सोनमको रिसेप्शनमा पति सैफको यस गीतमा झुमिरहेकी करीनाको भिडियो भाईरल बनिरहेको छ ।
रिसेप्शनमा करीनाले मनिष मल्होत्राले डिजाईन गरेका सिमर ग्रिन सेटको लेहेङ्गा लगाएकी छन् । यो डिजाईनमा करीना निकै ग्ल्यामरस देखिएकी छन् ।
सोनम र करीना फिल्म ‘वीरे दि वेडिङ’मा सँगै देखिदै छन् । यो फिल्म जुन् १बाट रिलिजमा आउँदैछ । त्यसोत, करीना र सोनमको सम्बन्त्र पनि निकै राम्रो मानिदै आएको छ ।
यो समाचार न्युज २४ नेपालबाट लिईएको हो ।
