काठमाडाैँ । बालाजु स्थित नेपाल चलचित्र विकास कम्पनीको स्टुडियोमा अदालतको सेटमा बनाइएको कठघरामा एक अभियुक्त उपस्थित गराइएको थियो । ती अभियुक्तले आफ्नी प्रेमीका रोजीको हत्या स्वयंमले गरेको बयान दिए ।
यहि दृश्य प्रस्तुत गर्दै चलचित्र ‘रोजी’ को बुधबारबाट छायांकन सुरु भएको छ ।
गोपिकृष्ण मुभिज र आरोही इन्टरटेन्मेन्टका लागी उद्धव पौडेलको प्रस्तुतिमा बन्न लागेको चलचित्र रोजीमा प्रदीपसँग परमिताको जोडी रहेको छ । चलचित्रमा यीबाहेक कर्मा शाक्य, बरुणा राणा, रविन्द्र खड्का, प्रकाश श्रेष्ठ लगायतका कलाकारको मुख्य भूमिका रहेको छ । याे चलचित्रमा प्रदीप अरू चलचित्रभन्दा फरक हुलियामा देखिएका छन् ।
निरक पौडेलको निर्देशन रहेको यो चलचित्रमा आफूले विगतका फिल्ममा भन्दा फरक भूमिका गरेको प्रदीपले बताए ।
यो समाचार न्युज २४ नेपालबाट लिईएको हो ।
