नयाँ दिल्ली । बलिउड अभिनेता सलमान खानले पछिल्लो पिँढीमा धेरै अभिनेत्रीहरुसँग काम गरे । अभिनेता खानले अनुष्का शर्मा, क्याट्रिना कैफ, जरीन खान लगाएतका अभिनेत्रीहरसँग काम गरे । भर्खरै मात्र अभिनेता खानले यस्तो कुरा गरेका छन्, जसको कारणले अनुष्का र क्याट्रिनालाई नराम्रो लाग्न सक्छ ।
पछिल्लो समयमा अभिनेता खान ममाधुरी दीक्षितकी शो ‘डान्स दिवाने’मा पुगेका थिए । माधुरी दीक्षितको सो शोमा पुगेका अभिनेता खानले यस जेनेरेशनको सबै भन्दा बेष्ट अभिनेत्री ज्याकलिन फर्नाण्डेज भएकी बताएका छन् ।
यो पनि तपाईलाई जानकारी गराउन चाहन्छौं, अभिनेता खान र ज्याकलिन फिल्म ‘रेस ३’मा सँगै देखिदै छन् । यो फिल्मको सार्वजनिक ट्रेलरले दर्शकहरुको मन जितिसकेको छ ।
माधुरी दीक्षिततको सो शोमा पुगेका सलमान र ज्याकलिनले फिल्म ‘रेस ३’को गीत ‘हिरीए’ मा आफ्नो प्रस्तुती पनि प्रस्तुत गरेका थिए । शो को जज गरिरहेकी माधुरी दिक्षीतसँग कुराकानी गर्दै ज्याकलिनले ‘एक दो तीन’ गीतको बारेमा आफ्नो कुरा राख्दै उनले भनिन्, ‘एक दो तीन’ जस्ता प्रतिष्ठित गीतमा काम गर्न पाउनु मेरो लागि सौभाग्यको कुरा हो, जुन भगवानलाई पनि थाहा छैन होला ।’
ज्याकलिनको यस्तो प्रतिक्रिया पुरा हन नपाउँदै अभिनेता खानले भने, ‘त्यही भएर त ज्याकलिन अहिलेको पुस्ताको सर्वश्रेष्ठ अभिनेत्री हुन् ।’ ज्याकलिन र सलमानले फिल्म ‘किक’मा पहिलो पटक सँगै काम गरेक थिए ।
यो जोडीको ‘रेस ३’ दोस्रो फिल्म हो, जसलाई रेमो डिसुजाले निर्देशन गरेका छन् । यो फिल्ममा सलमान र ज्याकलिनको अलवा बाबी देओल, डेजी शाह, अनिल कपुरलगाएत पनि मुख्य भुमिकामा छन् । यो फिल्म जुन १५ तारिखबाट दर्शकमाझ रिलिजमा आउँदैछ ।
यो समाचार न्युज २४ नेपालबाट लिईएको हो ।
